అరసవల్లికి పరుగెత్తిన మంత్రి మోపిదేవి

మద్యం ముడుపుల ఆరోపణలు ఎదుర్కొంటున్న మంత్రి మోపిదేవి అరసవల్లి శ్రీ సూర్యనారాయణుడిని దర్సించుకున్నారు. ఈ ఉదయాన్నే అరసవల్లికి చేరుకున్న ఆయన ఆలయంలో ప్రత్యేక పూజలు చేశారు. పరిపాలన సజావుగా సాగానే కోరుకున్నానని మంత్రిగారు మీడియాకు చెప్పినా, ఇంత హడావిడిగా అరసవల్లికి వచ్చి పూజలు చేయడంలో ఆంతర్యం వేరే అయ్యి ఉంటుందని గుసగుసలు వినిపిస్తున్నాయి. ముఖ్యంగా మద్యం ముడుపుల గొడవ నుంచి తనను బయటపడేయాలని స్వామిని వేడుకున్నట్లు తెలుస్తోంది. అన్నట్లు.. గాలి అక్రమాల కేసులో అరెస్ట్ కావడానికి ముందు కూడా ఐఏఎస్ ఆఫీసర్ శ్రీలక్ష్మి ఇలానే అరసవల్లికి వచ్చి పూజలు చేశారు. మరి మోపిదేవి సంగతి ఏమవుతుందో...!