దీనికి పనికిరానివాడు దానికి పనికొస్తాడా..?

లోక్‌సభా పక్షనేతను ఎన్నుకునే విషయంలో తీవ్రంగా మల్లగుల్లాలు పడిన కాంగ్రెస్ అధినేత్రి సోనియా గాంధీ చివరకు సీనియర్ పార్లమెంటేరియన్ మల్లికార్జున ఖర్గేకు ఆ బాధ్యతలు అప్పగించారు. రాహుల్ గాంధీని దీనికి ఎంపిక చేయాలని పార్టీ నేతలు సూచించినా, ఆమె తిరస్కరించారు. వాస్తవానికి ఎన్నికల ప్రచారంలో రాహుల్ గాంధీని అనధికారికంగా ప్రధానిగా ప్రమోట్ చేసింది కాంగ్రెస్ పార్టీ. ప్రచారమంతా ఆయన ఫోటోలతోనే సాగింది. ఎన్నో రాష్ట్రాల్లో ప్రచార బాధ్యతలను మోసి విఫలమైన రాహుల్ గాంధీ.. సాధారణ ఎన్నికల్లోనూ అదే అనుభవాన్ని కాంగ్రెస్ పార్టీకి అందించారు. దీంతో రాహుల్ పై తీవ్రస్థాయిలోనే విమర్శలు వెల్లువెత్తుతున్నాయి. కేరళ, రాజస్థాన్ నేతలతైతే బహిరంగంగానే విమర్శించారు కూడా.
    అయితే, ఇప్పుడో అద్భుతమైన అవకాశం వచ్చినా దాన్ని రాహుల్ కు అందించడంలో విఫలమయ్యారు సోనియా గాంధీ. ప్రస్తుత లోక్ సభలో ఎవరికీ ప్రతిపక్ష హోదా దక్కనప్పటికీ, రెండో అతిపెద్ద పార్టీగా కాంగ్రెస్సే ఉంది. ఆ పార్టీ లోక్ సభ నేతగా ప్రభుత్వాన్ని నిలదీసే అవకాశం కాంగ్రెస్ లోక్ సభా పక్ష నేతకే దక్కుతుంది. ఈ బాధ్యతలను సమర్ధవంతంగా నిర్వహిస్తే, దేశవ్యాప్తంగా పాపులారిటీని సంపాదించుకునే అవకాశం ఉంటుంది. కానీ, రాహుల్ సమర్థత మీద అవగాహన ఉండడం వల్లో ఏమో ఆ పదవిని రాహుల్ కు అందించలేదు సోనియా. ఒకవేళ మోడీ వాక్చాతుర్యాన్ని, మాటల దాడిని రాహుల్ ఎదుర్కోలేకపోవచ్చని సోనియా భావించి ఉండొచ్చు. అయితే, కాంగ్రెస్ లోక్ సభా పక్ష నేతగా కొంతమంది ఎంపీలనే నడిపించే సామర్థ్యం లేని వ్యక్తి దేశాన్ని ముందుకు నడిపించగలడా.. ? ఇదే ఇప్పుడు ఆలోచించాల్సిన విషయం. సోనియా, రాహుల్ లు ఇదే తరహాలో వ్యవహరిస్తే వచ్చే ఎన్నికల్లోనూ వారి ఛరిష్మా పనిచేయదనడంలో ఏమాత్రం అతిశయోక్తి లేదు.

Read more...

కాంగ్రెస్ ను కుళ్లబొడిచేశారు..

కాంగ్రెస్ చరిత్రలోనే కనీవినీ ఎరుగని రీతిలో గుణపాఠం చెప్పారు దేశ ఓటర్లు. కేవలం 46 సీట్లకే పరిమితం చేసి, ప్రతిపక్ష హోదా కూడా దక్కకుండా చేసి కసి తీర్చుకున్నారు. అటు చాలాకాలం తర్వాత ఏక పార్టీకి మెజార్టీ కట్టబెట్టిన అన్ని రాష్ట్రాల ఓటర్లు, కేంద్రంలో బలమైన ప్రభుత్వాన్ని, బలమైన ప్రధానిని ఎన్నుకున్నారు. ఫలితాలను చూసి దిమ్మతిరిగి మైండ్ బ్లాంక్ అయిన కాంగ్రెస్ అగ్రనాయకత్వం .. జనానికి ముఖం చూపించలేకపోతోంది.
మోడీని విధ్వంసకర శక్తిగా చూపించడానికి ప్రయత్నించి దానిపైనే ఎక్కువగా ఫోకస్ పెట్టిన కాంగ్రెస్ హైకమాండ్, దానికి తగ్గ మూల్యమే చెల్లించుకుంది. ఎప్పుడూ లేనంతగా దేశం ఒక్కటై, మోడీకి భారీ మెజార్టీ కట్టబెట్టింది. 285 సీట్లలో బీజేపీ అభ్యర్థులను గెలిపించి, ఎవరి దయాదాక్షిణ్యాలమీద బతకకుండా సొంత ప్రభుత్వాన్ని ఏర్పాటు చేసుకోమంటూ ఆశీర్వదించింది.

Read more...

రెండు రాష్ట్రాల్లోనూ చంద్రోదయం

బుద్ధపౌర్ణిమ వెళ్లి రెండు రోజులయ్యిందో లేదో.. అటు సీమాంధ్ర, ఇటు తెలంగాణ రెండు చోట్లా చంద్రోదయం అయ్యింది. అవును.. ఆంధ్రప్రదేశ్ లో చంద్రబాబు అధికారం అందుకుంటే.. తెలంగాణలో కె.చంద్రశేఖర్ రావు జయకేతనం ఎగరవేశారు. ఇద్దరి పేర్లలోనూ చంద్ర ఉండడం.. రెండు కొత్త రాష్ట్రాల్లో అధికారం అందుకోవడం విశేషమే మరి.

తెలంగాణలో పోటాపోటీగా ఎన్నికలు జరిగాయంటూ సర్వేలు చెప్పినా, కాంగ్రెస్ నేతలు తమదే విజయం అన్నా.. ప్రజాతీర్పు మాత్రం వన్ సైడ్ గానే వచ్చింది. టీఆర్ఎస్ కు పూర్తి స్థాయిలో మెజార్టీని కట్టబెట్టిన తెలంగాణ ప్రజలు, కాంగ్రెస్ ను మాత్రం పాతిక మార్కును దాటనివ్వలేదు. చాలామంది మంత్రులు, పీసీసీ చీఫ్ కూడా చుక్కలు చూపించారు తెలంగాణ ఓటర్లు..




సీమాంధ్రలో మాత్రం రెండు రకాల తీర్పులొచ్చాయి. ఉత్తరాంధ్ర, కోస్తా జిల్లాల్లో ఓటర్లు టీడీపీ పక్షాన నిలిస్తే, దక్షిణ కోస్తా, అనంత మినహా రాయలసీమ మిగిలిన మూడు జిల్లాల ప్రజలు మాత్రం వైసీపీ పక్షాన నిలబడ్డారు. జిల్లాల వారీగా టీడీపీ, వైసీపీ మధ్యే పోటీ నడిచింది. ఎక్కడా కాంగ్రెస్ ను ఖాతా తెరవనివ్వలేదు ఆంధ్ర ఓటర్లు.జిల్లాల వారీగా బలాబలాలు


శ్రీకాకుళం (10): టీడీపీ-7, వైసీపీ-3
విజయనగరం (9): టీడీపీ-6, వైసీపీ-3
విశాఖపట్నం (15): టీడీపీ-11, వైసీపీ-3, బీజేపీ-1
తూ.గో. (19): టీడీపీ-12, వైసీపీ-5, బీజేపీ-1, ఇండిపెండెంట్-1
ప.గో. (15): టీడీపీ-14, బీజేపీ-1
కృష్ణా (16): టీడీపీ-10, వైసీపీ-5, బీజేపీ-1
గుంటూరు (17): టీడీపీ-12, వైసీపీ-5
ప్రకాశం (12): వైసీపీ-6, టీడీపీ-5, ఇండిపెండెంట్-1
నెల్లూరు (10): వైసీపీ-7, టీడీపీ-3
చిత్తూరు (14): టీడీపీ-6, వైసీపీ-8
అనంతపురం (14): టీడీపీ-12, వైసీపీ-2
కడప (10): వైసీపీ-9, టీడీపీ-1
కర్నూలు (14): టీడీపీ-3, వైసీపీ-11

ఆళ్లగడ్డలో మాత్రం దివంగత నేత శోభానాగిరెడ్డినే గెలిపించారు అక్కడి ప్రజలు. ఆమె చనిపోయినా, ఆమెకు ఓటేస్తే ఉపఎన్నికలు వస్తాయని తెలిసినా, ఓటు ద్వారా ఆమెకు నివాళులు అర్పించారు ఆళ్లగడ్డ ఓటర్లు.

Read more...

సీమాంధ్రలో సైకిల్ సవారీ .. హస్తగతమైన తెలంగాణం

ఎన్నాళ్లుగానో పార్టీలను ఉత్కంఠకు గురి చేస్తున్న స్థానిక సంస్థల ఫలితాల్లో తొలి భాగమైన పురఫలితాలు స్పష్టమైన తీర్పును చెప్పాయి... సీమాంధ్రలో టీడీపీ స్పష్టమైన ఆధిపత్యాన్ని ప్రదర్శించింది. పుర ఫలితాలపై ఎన్నో ఆశలు పెట్టుకున్న వైసీపీ నాయకత్వాన్ని మాత్రం పట్టణ ఓటర్లు తీవ్రంగా నిరాశ పరిచారు. సీమాంధ్రలో మొత్తం 62 మున్సిపాలిటీలను టీడీపీ కైవసం చేసుకోగా, వైసీపీ 19 మున్సిపాలిటీలను మాత్రమే దక్కించుకుంది. వైఎస్ జగన్ సొంత జిల్లా కడపలోనూ ఐదు మున్సిపాలిటీలను టీడీపీ దక్కించుకోవడం విశేషం.  ఇక కాంగ్రెస్ ఒక్కచోటా ఖాతా తెరవకపోవడం ఆ పార్టీ దయనీయ స్థితికి అద్దం పడుతోంది. 11 మున్సిపాలిటీల్లో మాత్రం హంగ్ ఏర్పడింది. కార్పొరేషన్లలోనూ సైకిల్ జోరు కొనసాగింది. ఏడు కార్పొరేషన్లలో ఐదు కార్పొరేషన్లు ..రాజమండ్రి, ఏలూరు, విజయవాడ, చిత్తూరు, అనంతపురాన్ని టీడీపీ దక్కించుకుంది. కడప, నెల్లూరు కార్పొరేషన్లు మాత్రమే వైసీపీకి దక్కాయి.

    ఇక తెలంగాణ విషయానికి వస్తే కారు జోరుకు హస్తం అడ్డుగా నిలిచింది. మున్సిపాలిటీల్లో సింహభాగం కాంగ్రెస్ పార్టీకే దక్కి, ఆ పార్టీలో ఉత్సాహాన్ని నింపాయి. 21 మున్సిపాలిటీలను కాంగ్రెస్ దక్కించుకోగా, టీడీపీ రెండు, టీఆర్ఎస్ 8 మున్సిపాలిటిల్లో అధికారాన్ని అందుకున్నాయి. అయితే, ఈ సారి ఆశ్చర్యకరంగా, బీఎస్పీ రెండు మున్సిపాలిటీలను దక్కించుకోవడం విశేషం. ఎంఐఎం భైంసా మున్సిపాలిటీలో జయకేతనం ఎగరవేసింది. తెలంగాణలో మూడు కార్పొరేషన్లకు ఎన్నికలు జరగ్గా.. కరీంనగర్ కార్పొరేషన్లో మాత్రమే గులాబీ జెండా ఎగిరింది. నిజామాబాద్, రామగుండంలో హస్తం హవానే నడిచింది.

Read more...

తెలంగాణ ముగిసింది.. ఆంధ్ర మిగిలింది

తెలంగాణలో ప్రచారం నేటితో ముగిసింది. హోరాహోరీగా సాగుతాయని భావిస్తున్న ఈ ఎన్నికలను ప్రతిష్టాత్మకంగా తీసుకున్న ప్రధాన పార్టీలు.. తొలి తెలంగాణ ప్రభుత్వాన్ని తామే ఏర్పాటు చేయాలన్న లక్ష్యంతో ఉధృతంగా ప్రచారం చేశాయి. బీజేపీ మోడీని బరిలోకి దించితే, కాంగ్రెస్ తరపున సోనియా, రాహుల్ రంగంలోకి దిగారు. అటు ఈ ఎన్నికలను ప్రతిష్టాత్మకంగా తీసుకున్న టీఆర్ఎస్ తరపున కేసీఆరే అన్నీ తానై తిరిగారు. టీఆర్ఎస్ చరిత్రలో ఎప్పుడూలేనంతగా ఉధృతంగా ఎన్నికల ప్రచారాన్ని నిర్వహించారు కేసీఆర్. అయితే తెలంగాణ ఎన్నికల ప్రచారంలో కాస్త వెనుకబడ్డా బీసీ సీఎం నినాదమే తమను గట్టెక్కిస్తుందన్న విశ్వాసంతో ఉంది టీడీపీ. వైసీపీ ప్రభావం అంతంతమాత్రంగానే ఉన్నా.. ఆ పార్టీ తరపున జగన్, షర్మిలను ప్రచారాన్ని జోరుగానే నిర్వహించారు..

తెలంగాణలో ప్రచారానికి తెరపడుతుండడంతో సీమాంధ్రపైకి దృష్టి మళ్లించాయి ప్రధాన పార్టీలు. ఇప్పటికే చంద్రబాబు కొన్ని జిల్లాల్లో ప్రచారం పూర్తి చేయగా, బాలయ్య కూడా విరామం లేకుండా ఆ పార్టీ తరపున ప్రచారం చేస్తున్నారు. కాంగ్రెస్ కు స్టార్ క్యాంపైనర్ గా చిరంజీవి తన పని మొదలుపెట్టారు. అన్నింటికీ మోడీ మంత్రాన్నే వల్లె వేస్తున్న బీజేపీ, సీమాంధ్రలోనూ ఆయన్నే ప్రచారానికి పిలుస్తోంది. ఏప్రిల్ 30, మే1 తేదీల్లో ఆయన సీమాంధ్రలో పలు సభల్లో పాల్గొననున్నారు. ఏప్రిల్ 30న తిరుపతిలో, మే 1న విశాఖలో బహిరంగ సభల్లో ఆయన పాల్గొననున్నారు. ఇక మే 2 సోనియా విశాఖ బహిరంగ సభలో పాల్గొంటారు. మోడీ సభ జరిగిన తర్వాతి రోజే సోనియా సభ జరుగుతుండడంతో దాన్ని ప్రతిష్టాత్మకంగా తీసుకున్నారు సీమాంధ్ర కాంగ్రెస్ నేతలు. అటు రాహుల్‌తో కూడా వీలైనంతగా సభలను నిర్వహించాలని భావిస్తున్నారు కాంగ్రెస్ నేతలు.

Read more...

తమ్ముడికి గుణపాఠం చెప్పమన్న ప్రియాంక

తన తమ్ముడికి గుణపాఠం చెప్పాలని కార్యకర్తలను కోరారు సోనియా కుమార్తె ప్రియాంక గాంధీ. అయితే, ఈ మాటలు తన సొంత తమ్ముడు రాహుల్ గాంధీని ఉద్దేశించి మాత్రం కాదు.. పినతల్లి కొడుకైన వరుణ్ గాంధీ గురించి. అమేథీలో నిర్వహించిన కార్యకర్తల సమావేశంలో ఆమె ఈ వ్యాఖ్యలు చేశారు. సుల్తాన్ పూర్ నుంచి పోటీ పడుతున్న వరుణ్ కు ఈ సారి గుణపాఠం చెప్పాల్సిందేనంటూ సూచించారామె. వరుణ్ పై ప్రియాంక నేరుగా దాడి చేయడం ఇదే తొలిసారి. గాంధీ కుటుంబానికి చెందిన వ్యక్తిగా వరుణ్ ను భావించాల్సిన అవసరం లేదన్నారామె. గాంధీ కుటుంబం దేశం కోసం ప్రాణత్యాగాలను సైతం చేసిందని, వరుణ్ కు సరైన మార్గం ఏదో చూపించాల్సిన అవసరం ఉందని అభిప్రాయపడ్డారు ప్రియాంక. రాజకీయాలు ప్రజలకు కలిపి ఉంచడానికి దోహద పడాలే తప్ప.. విభజించకూడదని, ఈ విషయాన్ని వరుణ్ తెలుసుకోవాల్సి ఉందన్నారు ప్రియాంక గాంధీ. అమేథీలో కార్యకర్తల సమావేశంలో ఆమె మాట్లాడిన వీడియోలు మీడియాకు చిక్కాయి.

Read more...

కొత్త పార్టీ పెట్టిన కిరణ్

రాష్ట్ర విభజనను నిరసిస్తూ కాంగ్రెస్ హైకమాండ్ తో విభేదించడమే కాక, ముఖ్యమంత్రి పదవికి, కాంగ్రెస్ పార్టీకి రాజీనామా చేసిన కిరణ్  కుమార్ రెడ్డిఎట్టకేలకు కొత్త పార్టీని పెడుతున్నట్లు ప్రకటించారు. ఈనెల 12వ మధ్యాహ్నం 4 గంటలకు రాజమండ్రిలో నిర్వహించే బహిరంగ సభలో పార్టీ పేరును ప్రకటిస్తామన్నారాయన. తెలుగు వారి ఆత్మ గౌరవాన్ని కాపాడడం కోసమే తాను పార్టీ పెడుతున్నామన్నారు మాజీ సీఎం. కాంగ్రెస్ బహిష్కృత ఎంపీలతో సుదీర్ఘ చర్చలు జరిపిన కిరణ్, చివరకు మీడియా సమావేశంలో పార్టీ ఏర్పాటు నిర్ణయాన్ని తెలిపారు. రాష్ట్రాన్ని ముక్కలు చేయడానికి అన్ని పార్టీలు దోహదం చేశాయని వాటిలో వేటీకి జనం ఓట్లు వేయరన్నారు కిరణ్. తమ పార్టీ ద్వారా కొత్త తరహా రాజకీయాన్ని చూపిస్తామన్నారాయన. విద్యార్థులు, జర్నలిస్టులకూ టికెట్లు ఇస్తామని ప్రకటించారు. పార్టీ పేరుతో పాటు విధివిధానాలను రాజమండ్రిలో ప్రకటిస్తామన్నారు. ఉండవల్లి అనారోగ్య కారణాలతో, శైలజానాథ్ విదేశాల్లో ఉండడం వల్ల, రాయపాటి ఆలస్యం కావడం వల్ల రాలేకపోయారంటూ స్పష్టతనూ ఇచ్చి, వదంతులు రాకుండా జాగ్రత్త పడ్డారు.

Read more...

రాహుల్ కు ముద్దు పెట్టినందుకు హత్య

అసోంలో రాహుల్ గాంధీకి ముద్దుపెట్టిన ఓ మహిళను, ఆమె భర్త అత్యంత దారుణంగా హత్య చేశాడు.  ఫిబ్రవరి న జోర్హాత్ లో  600 మంది స్వయంసేవా సంఘం సభ్యులతో రాహుల్ సమావేశమయ్యారు. ఈ సమయంలో ఆయనపై మహిళలు ముద్దుల వర్షం కురిపించారు. అయితే, ఇలా రాహుల్ ను ముద్దాడిన ఓ మహిళ కుటుంబంలో ఈ విషయంలో పెద్ద గొడవకు దారి తీసింది. ఆమెపై కిరోసిన్ పోసి నిప్పటించాడు ఆమె భర్త. తీవ్రంగా గాయపడ్డ ఆమె మృతి చెందింది. ఆమె భర్తకూ 40 శాతం వరకూ గాయాలయ్యాయి.

Read more...

చెయ్యికి కారు చెయ్యిస్తుందా...?

పరిస్థితి అలానే కనిపిస్తోంది. అదిగో ఇదిగో విలీనం అంటూ సంకేతాలిచ్చిన కేసీఆర్, ఆ విషయంలో కాంగ్రెస్ హై కమాండ్ తో భారీ చర్చలే సాగించారు. కుటుంబ సమేతంగా సోనియా ముందు పరేడ్ చేసి మరీ తన మనసులో మాట బయటపెట్టారు. ఇక ఎంతలేదు.. విలీనం అనుకుంటున్న సమయంలోనే రూటు మార్చి, రాజకీయాన్ని రసవత్తరంగా మార్చారు కేసీఆర్.

కాంగ్రెస్ లో టీఆర్ఎస్ విలీన పంచాయతీపై సాగుతున్న ఉత్కంఠ మరో రెండు రోజుల్లో విడిపోయే అవకాశం ఉంది. మార్చి 3న జరిగే పార్టీ పొలిట్ బ్యూరో, శాసనసభా పక్ష, రాష్ట్ర కార్యవర్గ సమావేశాల్లో దీనిపై పార్టీ నేతలతో చర్చించనున్నారు కేసీఆర్. అయితే, ఇప్పటివరకైతే పార్టీ నేతలెవరికీ కాంగ్రెస్ లో విలీనం కావడం ఏమాత్రం ఇష్టం లేదు. ఇంతకాలం కష్టపడి ఎన్నో ఆటుపోట్లకు ఎదుర్కొని పార్టీని నిలబెట్టుకుని, ఫలితాలు సాధించే సమయంలో విలీనం చేయడం సరికాదంటున్నారు టీఆర్ఎస్ నేతలు. కావాలంటే పొత్తు పెట్టుకుని సరిపెడదామని, విలీనంతో టీఆర్ఎస్ నేతలు తీవ్రంగా నష్టపోతారని కేసీఆర్ కు చెప్పుకుంటున్నారు. దీంతో, ఆయన ఏ నిర్ణయం తీసుకుంటారన్నది ఉత్కంఠను కలిగిస్తోంది.

అయితే, రాజకీయ పార్టీని నిర్వహించడమన్నది అంత ఆషామాషీ వ్యవహారం కాదు.  15 ఏళ్లుగా పార్టీని నడిపిస్తున్న కేసీఆర్ కు ఇది బాగా తెలుసు. ఇంతకాలం ఉద్యమ పార్టీగా చెప్పుకున్న టీఆర్ఎస్.. తెలంగాణ ఏర్పాటుతో పూర్తిస్థాయి రాజకీయ పార్టీగా మారనుంది. ఉద్యమం కారణంగా ఇంతకాలం వచ్చిన విరాళాలు, నిధులు ఇకపై ఆ స్థాయిలో రాకపోవచ్చు. పైగా, ఎన్నికల అనంతరం అధికారంలోకి వస్తే టీఆర్ఎస్ కు పెద్దగా ఇబ్బంది ఉండదు. కానీ, అధికారాన్ని దక్కించుకోలేకపోతే మాత్రం పరిస్థితి భిన్నంగా ఉంటుంది. దీనికి తోడు పార్టీలో ముగ్గురి మధ్య సాగుతున్న వారసత్వపోరు పార్టీకి ఇబ్బందిని కలిగించే పరిస్థితులూ ఉన్నాయి. దీంతో విలీనం చేయడమే మంచిదని కేసీఆర్ భావిస్తున్నట్లు తెలుస్తోంది.

ఈ విషయంపైనే కాంగ్రెస్ హైకమాండ్ తో చర్చలు జరిపిన కేసీఆర్, హైదరాబాద్ తిరిగి వచ్చిన తర్వాత మనసు మార్చుకున్నట్లు కనిపిస్తోంది. విలీనం కన్నా పొత్తుకే ప్రాధాన్యం ఇచ్చి, ఎన్నికల తర్వాత పరిస్థితిని బట్టి నిర్ణయం తీసుకుందామని కొంతమంది నేతలు ప్రతిపాదిస్తున్నారు. టీఆర్ఎస్ , కాంగ్రెస్ కలిసి పోటీ చేస్తే మెజార్టీ స్థానాలు ఆ కూటమికే దక్కే అవకాశాలున్నాయి. ఈ విషయంపైనే మూడో తేదీన టీఆర్ఎస్ పూర్తిస్థాయిలో చర్చించనుంది.

పొత్తుకే సిద్ధమని కేసీఆర్ ప్రకటిస్తే మాత్రం, కాంగ్రెస్ కు అది ఆశాభంగమే. రాష్ట్ర విభజనతో సీమాంధ్రలో పూర్తి వ్యతిరేకతను మూటగట్టుకున్న హస్తం, టీఆర్ఎస్ విలీనంతో తెలంగాణలో అధికారాన్ని దక్కించుకోవాలని ఆరాటపడుతోంది. కానీ, పొత్తుతో పోటీకి వెళ్తే మాత్రం, ఆ తర్వాత అధికారాన్ని పూర్తిస్థాయిలో దక్కించుకోవడం అసంభవం. కచ్చితంగా టీఆర్ఎస్ నేతలు ముఖ్యపదవులనే కోరుకుంటారు. దీనికి కాంగ్రెస్ నేతలూ అభ్యంతరం చెప్పే అవకాశం ఉంది. దీంతో, వచ్చే ఎన్నికల్లో కాంగ్రెస్, టీఆర్ఎస్ లు ఎలాంటి నిర్ణయాన్ని తీసుకుంటాయన్నది ఆసక్తికరంగా మారింది.

Read more...

దగ్గుబాటి కుటుంబం టీడీపీకి దగ్గరవుతోందా..?

రాష్ట్ర రాజకీయాల్లో ఇప్పుడు ఫోకస్ అంతా ఓ కుటుంబం పైనే ఉంది. అదే దగ్గుబాటి వెంకటేశ్వరరావు-పురందేశ్వరి కుటుంబం. ప్రస్తుతం కాంగ్రెస్ లో ఉన్న ఈ కుటుంబం తెలుగుదేశం పార్టీ నేతలతో చర్చలు జరుపుతోందన్న సమాచారం తెలుగు తమ్ముళ్లలో విస్మయాన్ని కలిగిస్తోంది. దీనికి అనుకూలంగానే పరుచూరులో "సొంతింటికి ఆహ్వానం" అంటూ దగ్గుబాటి ఫోటోతో వెలిసిన పోస్టర్లు కలకలం సృష్టించాయి. వీటిపై ఆగ్రహం వ్యక్తం చేసిన టీడీపీ కార్యకర్తలు వాటిని చింపేశారు. అయినప్పటికీ తెరవెనుక ఏదో జరుగుతోందని, లేకపోతే ఈ పోస్టర్లు ఎందుకు వెలుస్తాయంటూ కొంతమంది టీడీపీ కార్యకర్తలు ప్రశ్నిస్తున్నారు.
    వాస్తవానికి, ఎన్టీఆర్ ను పదవీచ్యుతుడిని చేయడంతో చేయీచేయీ కలిపి పనిచేసిన నారా, దగ్గుబాటి కుటుంబాలు తర్వాత మాత్రం పదవుల పంపకాల్లో వచ్చిన తేడాలతో ఎడమొహం పెడమొహం అయ్యాయి. దగ్గుబాటి కొంతకాలం బీజేపీలో ఉండి, ఆ తర్వాత కాంగ్రెస్లో చేరి తాను ఎమ్మెల్యే అవడమే కాక, తన భార్య పురందేశ్వరిని ఎంపీని , కేంద్రమంత్రిని చేయించుకోగలిగారు. అయితే, సమైక్య ఉద్యమంతో పరిస్థితులు మారడంతో పాటు, కాంగ్రెస్ నుంచి మళ్లీ పోటీ చేస్తే గెలవమేమో అన్న అనుమానం అటు వెంకటేశ్వరరావు, ఇటు పురందేశ్వరికీ ఉన్నట్లు తెలుస్తోంది. విజయవాడ నుంచి పోటీకోసం కొంతకాలం క్రితం సమాలోచనలు జరిపిన వీరిద్దరూ అక్కడ వ్యతిరేకత రావడంతో నరసాపురం ఎంపీ స్థానంపై దృష్టి పెట్టినట్లు తెలుస్తోంది. వీరిద్దరూ బీజేపీలో చేరి ఆ పార్టీ తరపున పోటీ చేసే అవకాశం ఉందని సన్నిహిత వర్గాలు చెబుతున్నాయి. వచ్చే ఎన్నికల్లో బీజేపీ, టీడీపీ మధ్య పొత్తు కుదిరే అవకాశాలు ఎక్కువగా ఉండడంతో, నరసాపురం సీటు పై తమకు ఇబ్బంది లేకుండా ఉండేందుకు ఇప్పటినుంచే మంతనాలు జరుపుతున్నట్లు సమాచారం. ఉన్నతస్థాయిలోనే సాగుతున్న ఈ చర్చలు దగ్గుబాటి ఫ్యామిలీకి అనుకూలంగానే ఉన్నట్లు టీడీపీ వర్గాలు అంటున్నాయి.

Read more...

ఇంత భావ దారిద్ర్యమా..?

రాహుల్ గాంధీని ప్రధాని అభ్యర్థిగా ప్రకటించకపోయినా, విపరీతంగా పబ్లిసిటీ చేస్తున్న కాంగ్రెస్ పార్టీ భావ దారిద్ర్యం మరోసారి బయటపడింది. రాహుల్ కు ప్రచార పగ్గాలు అప్పగించిన తర్వాత శుక్రవారం రోజు దేశ వ్యాప్తంగా ఉన్న అన్ని ప్రధాన పత్రికల్లోనూ, ప్రధాన నగరాల్లో హోర్డింగుల రూపంలోనూ భారీగా ప్రకటనలు ఇచ్చింది. రాహుల్ ఫోటోను ముందు పెట్టి, ఆయన వెనుక, అన్ని వర్గాల ప్రజలను ఉన్నట్లు చూపించిన ఈ ప్రకటనల్లో ఇచ్చిన స్లోగన్.. మై నహీ, హమ్.. అంటే.. నేను కాదు , మనం.. అందర్నీ తనవాళ్లను చేసుకోవడానికి రాహుల్ ఇచ్చిన ప్రకటనది. పైగా ఇది మోడీకి వ్యతిరేకంగా తయారు చేసిన యాడ్. మోడీ అంతా నేనే అంటున్నాడని, రాహుల్ సిద్ధంగా అందర్నీ కలుపుకుని వెళ్లాలని చెప్పాలనుకొంది కాంగ్రెస్, కానీ, అక్కడే కాంగ్రెస్ చెవిలో కమలం పువ్వు పడింది.

    రాహుల్ ప్రకటనలో ఉన్న స్లోగన్ ను మోడీ ఎప్పుడో వాడేశారు. ప్రభుత్వ అధికారుల్లో స్ఫూర్తి నింపడం కోసం ఏర్పాటు చేసిన ఓ సభలో మై నహీ, హమ్ అన్న స్లోగన్ ను ఉపయోగించారాయన. ఈ విషయం గుర్తించని కాంగ్రెస్ దాన్నే తమ పార్టీ లైన్ గా భారీగా ప్రకటనలు ఇచ్చింది. దీంతో, ఆన్ లైన్ లో రెండింటినీ పోల్చుతూ నెటిజన్లు తీవ్రంగా స్పందించారు. మీడియా కూడా దీన్ని పెద్దది చేసి చూపడంతో ఒక్కసారిగా అవాక్కైన కాంగ్రెస్, తన ప్రకటనలను ఉపసంహరించుకొంది. ఢిల్లీలో ఫ్లెక్సీలను వెంటనే మార్చేసింది. అదే అర్థం వచ్చినట్లుగా, మరో స్లోగన్ ను తెరపైకి తెచ్చింది. అదే .. తోడే నహీ.. జోడే.. కాంగ్రెస్ కు సొంతగా ప్రచారం చేసుకునే సత్తా కూడా లేకే, మోడీ స్లోగన్స్ పై పడిందంటూ బీజేపీ మండిపడింది.

Read more...

రాయల తెలంగాణకు ప్రజల ఆమోదం ఉంది:జేసీ

రాయల తెలంగాణను రాజకీయ నేతలు మాత్రమే వ్యతిరేకిస్తున్నారని, ప్రజలెవరూ వ్యతిరేకించడం లేదన్నారు మాజీ మంత్రి, తాడిపత్రి ఎమ్మెల్యే జేసీ దివాకర్ రెడ్డి. రాయలసీమను ఇప్పుడు కొత్తగా విడగొట్టడం లేదని, ఎప్పుడో విడిపోయిందన్నారాయన. కర్నూలు, అనంతపురం జిల్లాలను తెలంగాణలో కలపాలన్నారు జేసీ. తమ రైతులు, ప్రజలు, ఉద్యోగుల ప్రయోజనార్థమే రాయలతెలంగాణను కోరుతున్నామన్నారాయన. కత్తులు, కొడవళ్లు తమ జిల్లా నుంచి ఎప్పుడో దూరమయ్యాయని, ఫ్యాక్షన్ అంతా పుత్తూరు, కృష్ణాలోనే ఉందన్నారు జేసీ. రాయల తెలంగాణ ఏర్పడితే తెలంగాణలో కాంగ్రెస్ ప్రభుత్వం అధికారంలోకి వస్తుందన్నారాయన.

Read more...

సోనియా సంపన్నురాలు కాదట.. వెనక్కి తగ్గిన హఫింగ్టన్

 ప్రపంచ సంపన్నుల్లో సోనియా గాంధీ మూడో అత్యంత సంపన్నురాలని, ఇంగ్లండ్ రాణి ఎలిజబెత్ కన్నా ఎక్కువ సంపద సోనియా గాంధీ దగ్గర ఉందని పోస్ట్ పెట్టి కలకలం రేపిన హఫింగ్ టన్ పోస్ట్ రోజు మారేలోగా మాట మార్చేసింది, సంపన్న నేతల జాబితాలోనుంచి సోనియా ను తొలిగించింది. దాదాపు 2 బిలియన్ డాలర్ల సంపద సోనియాకు ఉందని చెప్పిన హఫింగ్ టన్ పోస్ట్, సమాచారాన్ని ధృవీకరించుకోలేకపోయినందుకు తొలిగిస్తున్నట్లు ఆర్టికల్ చివర్లో పెట్టింది.  భారత సర్కార్ నుంచి ఒత్తిడి వచ్చినందువల్లే ఈ పోస్ట్ ను తొలగించి ఉండొచ్చంటూ కామెంట్లు విసురుతున్నారు నెటిజన్లు.

Read more...

21నే తేలిపోతుందట

తెలంగాణపై కేంద్రమంత్రుల అభిప్రాయ సేకరణ నేటితో ముగిసింది. ముఖ్యమంత్రి, తెలంగాణ, సీమాంధ్ర కేంద్ర మంత్రులతో విడివిడిగా సమావేశమై వారి వాదనలను వింది జీవోఎం. ఇప్పటికే ఈమెయిళ్ల ద్వారా సేకరించిన సమాచారంతో పాటు, రాజకీయ పార్టీలు వెలుబుచ్చిన అభిప్రాయాలు, అధికార వర్గాల ద్వారా సేకరించిన సమాచారం ఆధారంగా విభజన ఎలా చేయాలన్నదానిపై ముసాయిదాను తయారు చేయనుంది జీవోఎం. ఈ నెల 21న చివరిసారిగా సమావేశం కానున్న మంత్రుల బృందం అదేరోజు ముసాయిదాను రూపొందిస్తుంది. ఆ రోజే జరిగే, కేంద్ర కేబినెట్ ముందు దీన్ని ప్రవేశపెట్టనుంది. దాన్ని కేబినెట్ ఆమోదించే అవకాశాలే ఎక్కువగా కనిపిస్తున్నాయి. ఈ ప్రక్రియ పూర్తైతే త్వరలోనే జరగనున్న శీతాకాల సమావేశాల్లో తెలంగాణ బిల్లును ప్రవేశపెట్టనుంది కేంద్రం. ఈ సమావేశాల్లోనే బిల్లును పెడతామని కేంద్ర హోంశాఖ కూడా స్పష్టం చేసింది.

Read more...

కిరణ్ వెనకడుగుకు కారణమేమిటో..?

కాంగ్రెస్ నేతల బహిష్కరణ, టీఆర్‌ఎస్, టీజేఏసీ బంద్‌కు పిలుపునిచ్చినా, మెదక్ జిల్లా సంగారెడ్డిలో బుధవారం రచ్చబండ నిర్వహించాలని డిసైడ్ అయ్యి, అన్ని ఏర్పాట్లు చేసుకున్న ముఖ్యమంత్రి కిరణ్ కుమార్ రెడ్డి, అనూహ్యంగా తన నిర్ణయాన్ని మార్చుకున్నారు. రచ్చబండ కార్యక్రమాన్ని రద్దు చేసుకున్నారు. ఢిల్లీలో విభజన ప్రక్రియ ఊపందుకున్న తరుణంలో, తెలంగాణ నుంచే రచ్చబండకు శ్రీకారం చుట్టడం ద్వారా, సమైక్యవాదాన్ని బలంగా వినిపించాలని భావించారు సీఎం కిరణ్. ఈ విషయంలో తన వెన్నంటి నడిచే సంగారెడ్డి ఎమ్మెల్యే, ప్రభుత్వ విప్ జగ్గారెడ్డి సహకరించడంతో సంగారెడ్డి రచ్చబండకు ఏర్పాట్లు శరవేగంగా సాగాయి. అసలే కిరణ్ పేరెత్తితే, కస్సుమంటున్న తెలంగాణ కాంగ్రెస్ నేతలు, ఈ సభను బహిష్కరించాలని నిర్ణయం తీసుకున్నారు. జిల్లాకు చెందిన ఎమ్మెల్యేలు, ఎంపీలు, మంత్రులు ఎవరూ సభకు హాజరుకాకూడదంటూ, జిల్లా కాంగ్రెస్ అధ్యక్షుడే ఏకంగా ప్రెస్‌మీట్ పెట్టి మరీ ప్రకటించారు. ఇలాంటి పరిస్థితి అంతకుముందెప్పుడూ లేదు. పైగా, టీఆర్‌ఎస్, టీజేఏసీలు కూడా బంద్‌కు పిలుపునివ్వడంతో సంగారెడ్డిలో ఉత్కంఠభరిత వాతావరణం ఏర్పడింది. అయినా సరే, సభను నిర్వహిస్తానంటూ జగ్గారెడ్డి చెప్పడం కాకపుట్టించింది. ఈ పరిస్థితుల నేపథ్యంలోనే ముఖ్యమంత్రితో సమావేశమైన సునీతా లక్ష్మారెడ్డి, గీతారెడ్డిలు సీఎంతో రచ్చబండపై చర్చ జరిపారు. సీఎం పర్యటిస్తే, మరింత వ్యతిరేకత వస్తుందని, తాము కూడా హాజరుకాలేని పరిస్థితి ఉందంటూ వివరించారు.  దీంతో, ప్రస్తుతానికి సంగారెడ్డి సభను వాయిదా వేసుకోవాలని కిరణ్ నిర్ణయం తీసుకున్నట్లు సమాచారం.

Read more...

ప్రధాని కార్యాలయం ఎందుకు పిలిచినట్లు?

ఢిల్లీలో కాంగ్రెస్ సమన్వయ కమిటీ భేటీకి హాజరవడానికి హస్తినకు వెళ్లిన ముఖ్యమంత్రి కిరణ్, ఉపముఖ్యమంత్రి దామోదర రాజనర్సింహ, పీసీసీ అధ్యక్షుడు బొత్స సత్యనారాయణకు ప్రధాని కార్యాలయం నుంచి పిలుపు వచ్చింది. శనివారం ఉదయం 10.30కు జరిగే సమావేశానికి హాజరుకావాలంటూ వర్తమానం అందించారు పీఎంఓ అధికారులు. రాష్ట్ర విభజనపై అన్ని పార్టీలతోనూ త్వరలోనే మంత్రుల బృందం సమావేశమవుతున్న నేపథ్యంలో, అందరూ కాంగ్రెస్‌లో ఏకాభిప్రాయం లేదనే ఒత్తిడి తెస్తారు కాబట్టే, ముగ్గురు నేతలతో ప్రధాని సమావేశమవుతున్నట్లు సమాచారం. విభజనకు అంగీకరించాలని కిరణ్‌ను, బొత్సను ప్రధాని కోరే అవకాశాలున్నాయి.

Read more...

ఉల్లి ధర పెరగడానికి మోడీ కారణమా..?

యాభై రూపాయలను ఎప్పుడో దాటిసేన కిలో ఉల్లి ధర, వడివడిగా వందవైపు పరుగులు పెడుతోంది. ధరలు తగ్గుతాయంటూ ఈ మధ్య కేంద్రమంత్రి శరద్ పవార్ చెప్పినప్పటికీ, వాస్తవంలో మాత్రం అది సాధ్యమయ్యేలా కనిపించడం లేదు. నాసిరకం ఉల్లి యాభై రూపాయలు పలుకుతుంటే కాస్త నాణ్యమైన ఉల్లిపాయలు మాత్రం కిలో 65 నుంచి 70 రూపాయల మధ్య అమ్ముడవుతున్నాయి. కేంద్రం అలసత్వం వల్లే ఉల్లి ధర పెరుగుతోందంటూ ప్రతిపక్షాలు ముఖ్యంగా బీజేపీ విరుచుకుపడుతుండడంతో, కాంగ్రెస్ పార్టీ ఎదురుదాడికి దిగింది. ఉల్లి ధరలు పెరగడానికి గుజరాత్ ముఖ్యమంత్రి, బీజేపీ ప్రధాని అభ్యర్థి మోడీని కారణమంటూ విమర్శించారు కేంద్రమంత్రి కపిల్ సిబల్.

గుజరాత్‌లోని ఖచ్ ప్రాంతంలో ఉల్లిపాయలు ఎక్కువగా పండించే వేలాది ఎకరాలను అదాని గ్రూప్‌కు మోడీ కట్టబెట్టారని, దాని వల్లే ఉల్లి ఉత్పత్తి గణనీయంగా తగ్గిపోయిందని సిబల్ ఆరోపించారు. మరి దీనికి బీజేపీ నేతలు ఎలా రియాక్ట్ అవుతారో చూడాలి.

Read more...

ఆ రెండు మళ్లీ కమలానివేనా..?

ఐదు రాష్ట్రాల ఎన్నికల నేపథ్యంలో జరుగుతున్న ముందస్తు ఎన్నికల సర్వేలు ఆసక్తికర విషయాలను బయటపెడుతున్నాయి. కాంగ్రెస్ పదేళ్లుగా అధికారానికి దూరంగా ఉన్న మధ్యప్రదేశ్‌లో మళ్లీ ఆ పార్టీకి ఎదురుదెబ్బే తగలనుంది. బీజేపీకి 148 నుంచి 160 సీట్లు రావచ్చని సీఎన్‌ఎన్‌-ఐబీఎన్, ది వీక్ లు సంయుక్తంగా నిర్వహించిన సర్వేలో తేలింది. గత ఎన్నికల్లో బీజేపీకి 37.6 శాతం ఓట్లే పోలవ్వగా, ఈ సారి 44 శాతం ఓట్లను సంపాదించవచ్చని సర్వే అంచనా వేసింది. దీన్నిబట్టి చూస్తే, గతంలో కన్నా ఇప్పుడు మధ్యప్రదేశ్‌లో బీజేపీ మరింత బలపడిందని తెలుస్తోంది. కాంగ్రెస్‌కు కేవలం 52 నుంచి 62 సీట్లే వస్తాయని సర్వేలో తేలింది. ప్రస్తుత అసెంబ్లీలో కాంగ్రెస్‌కు 71 సీట్లు ఉన్నాయి. మధ్యప్రదేశ్‌లో బీజేపీ గెలిస్తే, మూడోసారి ప్రభుత్వాన్ని అధికారంలోకి తెచ్చిన ఘనత ఆ రాష్ట్ర సీఎం చౌహాన్‌కు దక్కుతుంది.

ఛత్తీస్‌గఢ్‌లోనూ కమల విరబూయనుందని ఐబీఎన్ సర్వే చెబుతోంది. 91 సీట్లున్న అసెంబ్లీలో 61 నుంచి 71 సీట్లు బీజేపీకే దక్కుతాయని అంచనా వేసింది. కాంగ్రెస్‌కు కేవలం 16 నుంచి 24 సీట్లే దక్కవచ్చని సర్వేలో తేలింది. రమణసింగ్ ప్రభుత్వంపై ప్రజల్లో ఉన్న విశ్వాసం వల్లే బీజీపీ మళ్లీ విజయం సాధించవచ్చంటోంది సీఎన్‌ఎన్‌-ఐబీఎన్, ది వీక్ సంయుక్త సర్వే.

Read more...

కాలుజారిన చిరంజీవి

పడవ ఎక్కబోతూ పడిపోయిన చిరంజీవి

కేంద్రమంత్రి చిరంజీవి కాలు జారి వరదనీటిలో పడ్డారు. వరద బాధితులను పరామర్శించడానికి వెళ్లడానికి పడవ ఎక్కుతుండగా ఒక్కసారిగా జారిపోయి, నీళ్లల్లో పడిపోయారు. తూర్పుగోదావరి జిల్లా కాకినాడ రూరల్ మండలం తిమ్మాపురం పేట కాలువ గట్టున దగ్గర ఈ ప్రమాదం జరిగింది. వెంటనే తేరుకున్న ఆయన బాడీగార్డ్‌తో పాటు, మంత్రి తోట నర్సిహం, ఎమ్మెల్యే కన్నబాబులు చిరంజీవిని పట్టుకుని పైకి లేపి ఒడ్డుకు చేర్చారు. అనంతరం గొల్లప్రోలులో వరదబాధిత ప్రాంతాలను చూడడానికి ట్రాక్టర్‌లో వెళుతున్న సమయంలోనూ ఒక్కసారిగా కుదుపులకు లోనయ్యింది. డ్రైవర్ వెంటనే  ట్రాక్టర్ ను ఆపివేయడంతో ప్రమాదం తప్పింది. అంతకు ముందు విశాఖ, తూర్పు గోదావరి జిల్లాల్లో బాధితులను పరామర్శించారు చిరంజీవి. కేంద్ర మంత్రిగా ఉండి ప్రభుత్వాన్ని డిమాండ్ చేయకూడదని, కానీ రైతుల బాధలు చూశాక రుణాలు మాఫీ చేయాలని కేంద్రాన్ని డిమాండ్‌ చేస్తాననన్నారాయన. ట్రాక్టర్‌లో నుంచి కిందకు దిగకుండా కబుర్లు చెప్పడంపై ఆగ్రహించిన గొల్లప్రోలు మహిళలు ఆగ్రహం వ్యక్తం చేశారు. చిరంజీవిని నిలదీయడంతో ఆయన కిందకు దిగి బాధితులతో మాట్లాడారు.

Read more...

మోడి కన్నా నువ్వు బెటర్.. రాహుల్‌ కన్నా నువ్వు బెటర్

ప్రధాని అభ్యర్థుల విషయంలో కాంగ్రెస్ - బీజేపీల మధ్య ట్వీట్ల యుద్ధం పతాక స్థాయికి చేరింది. కొంతకాలంగా మోడిని టార్గెట్ చేసుకుని ట్వీట్ల వర్షం కురిపిస్తున్న దిగ్విజయ్ సింగ్‌ ఈ సారి మరో తీవ్ర విమర్శ చేశారు. బీజేపీ సరైన ప్రధాన అభ్యర్థిని ఎంచుకోలేదని, సుష్మా స్వరాజ్ లాంటి మంచి నాయకురాలిని ఎంచుకోలేకపోయిందని విమర్శించారు..

దీనికి సుష్మా స్వరాజ్ వెంటనే ప్రతిస్పందించారు. రాహుల్ గాంధీ కన్నా దిగ్విజయ్ సింగే బెటర్ అంటూ ట్విట్టర్‌లోనే సెటైర్ వేశారు సుష్మా.

Read more...