బాలలపై జరుగుతున్న లైంగిక వేధింపుల్లో మరో కోణం ఇది. ఓ మహిళ పదకొండేళ్ల పిల్లాడితో బలవతంగా శృంగారం జరిపినందుకు అతను తండ్రి కావాల్సి వచ్చింది. ఈ ఘటన న్యూజిల్యాండ్ లో చోటు చేసుకుంది. ఆక్ లాండ్ లోని 36 ఏళ్ల మహిళ, తన కొడుకు స్నేహితుడిపై కొన్నాళ్లుగా లైంగిక వేధింపులకు పాల్పడుతోంది. అతను తమ ఇంటికి వచ్చిన ప్రతీసారి బలవంతంగా అతనితో సెక్స్ చేయించుకుంటూ వచ్చింది. ఏం జరుగుతుందో తెలియని ఆ పిల్లాడు, కొన్ని రోజుల తర్వాత ఈ విషయాన్ని స్కూల్ ప్రిన్స్ పల్ కు తెలియజేయడంతో విషయం బయటపడింది. దీనిపై బాలల రక్షణ బృందాలకు ప్రిన్స్ పల్ ఫిర్యాదు చేశాడు. అయితే, ఈ పిల్లాడి కారణంగా ఆ మహిళ అప్పటికే గర్భం దాల్చినట్లు, ఓ హాస్పిటల్ లో డెలివరీ కూడా అయినట్లు న్యూజిలాండ్ మీడియా చెబుతోంది. బాలుడిపై లైంగిక వేధింపులకు దిగినందుకు గానూ, ఆ మహిళపై క్రిమినల్ కేసు పెట్టాలని భావిస్తున్నారు అక్కడి పోలీసులు.
