రెస్టారెంట్ కెళ్లి వెళ్లే భారీగా బిల్లు చేసి క్రెడిట్ కార్డు వెయిటర్ చేతిలో పెట్టేస్తే ఇకపై సరిపోదు. ఆ వెంటనే అతను మీ దగ్గరకు కార్డ్ స్వైపింగ్ మిషన్ తీసుకొచ్చి, పిన్ కొట్టండి మహా ప్రభో అని అడగొచ్చు. ఎందుకంటే, జూలై 1 నుంచి రిజర్వ్ బ్యాంక్ కొత్త నిబంధనను అమల్లోకి తెస్తోంది. దీనిప్రకారం క్రెడిట్ కార్డ్ ను ఎక్కడ స్వైప్ చేసినా, పిన్ నెంబర్ ను తప్పనిసరిగా కొట్టాల్సిందే.
క్రెడిట్ కార్డ్ మోసాలు భారీగా పెరుగుతుండడంతో , ఆర్ బీ ఐ ఈ నిర్ణయాన్ని తీసుకుంది. దీని వల్ల చాలా వరకూ మోసాలను అరికట్టవచ్చని భావిస్తోంది. ఇటీవల దేశంలోని టాప్ బ్యాంక్ లు క్రెడిట్ కార్డుల మోసాల వల్ల 30 కోట్ల మేర నష్టపోయాయి. దీంతో, కొత్త నిబంధనను అమల్లోకి తెస్తోంది రిజర్వ్ బ్యాంక్
