తొడగొడితే మీసం ఊడుతుంది

కృష్ణా జిల్లా పర్యటనలో బాలయ్య తీరుపై కాంగ్రెస్ నేత తులసిరెడ్డి నిప్పులు చెరిగారు. జనం మధ్య తొడ కొట్టడం, మీసం మెలివేయడం మంచిపద్దతి కాదన్నారు. తొడగొడితే మీసం ఊడిపోతుందన్న సంగతిని బాలకృష్ణ గుర్తుపెట్టుకోవాలన్నారు. 2009 ఎన్నికల్లో బాలకృష్ణ ప్రచారం చేస్తే ఎంత మంది గెలిచారో ఒక్కసారి గుర్తు చేసుకోవాలని తులసిరెడ్డి సూచించారు. రాష్ట్రంలో 1983 నాటి పరిస్థితులు లేవని, బాలకృష్ణ కలలను నెరవేరవని తులసిరెడ్డి ప్రకటించారు.