ఎర్ర ప్లేట్ లో తింటే బరువు తగ్గుతారా..!

రెడ్ ప్లేట్లో భోజనం ఓవర్ వెయిట్ కు రెడ్ సిగ్నల్ అంటున్నారు జర్మన్, స్విస్ పరిశోధకులు. ఇతర రంగుల పళ్లాలు, కప్పులతో పోల్చితే, ఎర్రటి రంగున్న పళ్లాలు, కప్పుల్లో భోజనం చేసినప్పుడు చాలా తక్కువగా తినడమే దీనికి కారణమట. ఎరుపు ప్రమాదానికి చిహ్నమని, ఆ రంగే చాలా తక్కువగా తినడానికి కారణమవుతుందని పరిశోధకులు చెబుతున్నారు. కొంతమంది మగాళ్లపై పరిశోధన చేసి మరీ దీన్ని రుజువు చేసుకున్నారట. నీలం, ఎరుపు రంగు కప్పుల్లో టీ ఇచ్చిన తాగమన్నప్పుడు.. నీలం కప్పులో టీతో పోల్చితే.. ఎర్ర కప్పులో 44 శాతం తక్కువగా టీ తాగారట. దీన్ని బట్టి బరువు తగ్గాలనుకుని, నోరు కట్టేసుకోలేని వారు ఎరుపురంగు ప్లేట్లో తింటే సరని చెబుతున్నారు. ప్రభుత్వం కూడా బార్లు, పబ్ లు ఎరుపు రంగులో ఉండేలా చూడడంతో పాటు, మద్యం, సిగరెట్లు, అనారోగ్యకరమైన ఆహార పదార్థాల ప్యాకెట్లు, ఎరుపు రంగులో ఉండేలా చర్యలు తీసుకోవాలని జర్మన్, స్విస్ పరిశోధకులు కోరుతున్నారు.