సత్యం కుంభకోణం నేపథ్యంగా వర్మ సినిమా..

ఇన్ఫర్మేషన్ టెక్నాలజీ నేపథ్యంగా రాంగోపాల్ వర్మ ఓ సినిమాను త్వరలో తీయబోతున్నారు. అందుకు ఇప్పటినుంచే పావులు కదుపుతున్నారు. ఐటీ ప్రపంచంలో, కార్పోరేట్ ప్రపంచంలో సంచలనం సృష్టించిన సత్యం కుంభకోణంలో ప్రధాన పాత్ర పోషించిన రామలింగరాజు స్టోరీనే కావచ్చని ప్రచారం సాగుతోంది. 32 నెలల పాటు జైలు జీవితం గడిపిన రామలింగరాజు బెయిల్‌ పై విడుదలై ఇంటికి చేరుకున్న కాసేపటికే , వర్మ ఆయన ఇంటికి వెళ్లి మరీ సమావేశమయ్యారు. ఐటీ ఇండస్ట్రీ గురించి వీరిద్దరి మధ్యా చర్చ సాగినట్లు తెలుస్తోంది. ఎప్పుడు సంచలనాలతో, వివాదాలతో సినిమా మొదలుపెట్టే వర్మ, తన ట్రెండ్‌ను కొనసాగిస్తూ.. రామలింగరాజుతో భేటీ అయ్యారు. సినిమాకు స్కెచ్ వేశారు.