బీజేపీతోనే సాధ్యం.. !

తెలంగాణ ఏర్పాటు బీజేపీతోనే సాధ్యమని లోక్‌సభ ప్రతిపక్ష నాయకురాలు సుష్మా స్వరాజ్ ప్రకటించారు. వచ్చే ఎన్నికల్లో ఎన్డీఏదే విజయం అన్న ఆమె, అధికారంలోకి వచ్చిన మూడునెలల్లో ప్రత్యేక రాష్ట్రాన్ని ఏర్పాటు చేస్తామన్నారు. తెలంగాణపై యూపీఏ మోసం చేసిందని విమర్శించారు. నల్గొండలో బీజేపీ నిర్వహించిన పోరు తెలంగాణ సభలో ఆమె పాల్గొన్నారు. చిన్న రాష్ట్రాల ఏర్పాటు ద్వారా ప్రజల మధ్య విద్వేషాలు సృష్టించాలని అనుకోవడం లేదని, అభివృద్ధి కోసమేనని ఆమె వివరణ ఇచ్చారు. తాము ఏర్పాటు చేసిన మూడు రాష్ట్రాల్లోనూ బీజేపీ ప్రభుత్వాలే ఉన్నాయని గుర్తు చేశారు. తెలంగాణ వస్తే, కృష్ణా నది నీళ్లను నల్గొండ జిల్లాకు రప్పించి ఫ్లోరైడ్ సమస్యను తీర్చుతామన్నారు..