7, జులై 2011, గురువారం
జైలు నుంచి తప్పించుకోవడానికి ఇదో మార్గం..
అప్పుడెప్పుడో ఔరంగజేబు బందీఖానా నుంచి తప్పించుకోవడానికి ఛత్రపతి శివాజీ ఓ మహా ఎత్తుగడ వేశాడు. జైల్లోకి తినుబండారాలు అమ్మే వేషంలో తన అనుచరుడిని రప్పించి, ఆ బుట్టలో నక్కి జైలు గోడలను దాటేశాడు. బహుశా ఈ విషయాన్ని మెక్సికోలో ఉన్న ఓ దొంగ తెలుసుకుని ఉంటాడు. అందుకే, జైలు నుంచి తప్పించుకోవడాని మాస్టర్ ప్లాన్ వేశాడు. అదే సూట్ కేస్ లో నక్కి తప్పించుకోవడం.
మెక్సికోలోని చేటుమల్ జైలులో శిక్ష అనుభవిస్తున్న ఓ ఖైదీని కలవడానికి, అతని గర్ల్ ఫ్రెండ్ వచ్చింది. ములాఖత్ అయిన తరువాత బెదురుబెదురుగా వెళుతోంది. ఆమె వ్యవహారశైలి అనుమానంగా ఉండడంతో, ఆమె చేతిలో ఉన్న సూట్ కేస్ ను తెరవమన్నారు జైలు సిబ్బంది. అందుకు, ఆమె నిరాకరించినా, బలవంతగా తెరిపించారు. తీరా చూస్తే, ఆమె బాయ్ ఫ్రెండ్ అండర్ వేర్, సాక్స్ లతో ముడిచిపెట్టుకొని సూట్ కేస్ లో కూర్చుని ఉన్నాడు. ఒక్కసారిగా షాక్ తిన్న అధికారులు వెంటనే కటకటాల వెనక్కి పంపించారు. అంతేకాదు, జైలు నుంచి తప్పించుకోవడానికి ప్రయత్నించాడన్న మరోకేసునూ అతనిపై మోపారు. అంతేనా, అతడికి సహకరించిన అమ్మడిపైనా కేసు నమోదయ్యింది. ఖైదీ గారి ప్లాన్, అమ్మాయి గారి సాహసం మెచ్చుకోవాల్సిందే అయినా.. అసలు ఖైదీని కలవడానికి సూట్ కేస్ ను తీసుకెళ్లడానికి అనుమతించిన అక్కడి అధికారులకు హ్యాట్సాఫ్ చెప్పాలి.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి