అల్లు లవ్ మ్యాటర్ లీక్ చేసిందెవరు?

వరుడిగా వెండితెరపై కనిపించిన అల్లువారబ్బాయి... వచ్చే ఫిబ్రవరిలో పెళ్లికొడుకు కాబోతున్నాడు. తానెవరినీ లవ్ చేయలేదని, వధువును ఎంపిక చేసే బాధ్యత తల్లిదండ్రులదేనని వరుడు ఆడియో ఫంక్షన్లో ఘనంగా ప్రకటించిన అర్జున్, ఇప్పుడు మాత్రం రూట్ మార్చారు. తాను లవ్ చేసిన స్నేహారెడ్డినిచ్చి పెళ్లి చేయమని తల్లిదండ్రులకు చెప్పేశాడు. రెండు కుటుంబాలు మాట్లాడుకుని ఫిబ్రవరిలో వచ్చే ముహూర్తాల్లో పెళ్లి చేయాలని నిర్ణయించుకున్నారు. అప్పటికల్లా బద్రీనాథ్ షూటింగ్ కూడా పూర్తవుతుంది. అయితే.. ఎంతో గుట్టుగా ఇంతకాలం సాగిన బన్నీ ప్రేమవ్యవహారం అకస్మాత్తుగా రట్టయ్యింది. మీడియా ఛానళ్లలో బ్రేకింగ్ న్యూస్ అయ్యింది. టీవీ ఛానళ్లకు ఈ న్యూస్ ఇచ్చిందెవరు..? ఫిల్మ్ నగర్ కథనాల ప్రకారం..
బన్నీ ప్రేమ వ్యవహారాన్ని ముందుగా బయటపెట్టింది నారా చంద్రబాబు తనయుడైన నారా లోకేష్ ఛానల్ స్టూడియో ఎన్. అందరికన్నా ముందుగా స్నేహారెడ్డి ఫోటోతో న్యూస్ ను బ్రేక్ చేసింది. ఆ తర్వాత మిగిలిన ఛానళ్లన్నీ అదే దారిలో పయనించాయి. మీడియాలో హాడావిడి అల్లు అరవింద్ స్పందించక తప్పలేదు. త్వరలోనే పెళ్లి చేస్తామని ప్రకటించారు. అయితే ఈ వార్త మీడియాకు వెక్కడం వెనుక ప్రధాన పాత్ర వధువు తండ్రి కే.సీ.శేఖర్ రెడ్డిదే నని తెలుస్తోంది. పెళ్లి వ్యవహారాన్ని అల్లు అరవింద్ నెలల తరబడి నాన్చుతుండడంతోనే, ఈ ఎత్తు వేశారన్నఅనుమానాలున్నాయి. మీడియాలో వచ్చేస్తే, ఇక అల్లు కుటుంబానికి పెళ్లి చేయక తప్పని పరిస్థితి ఎదురువుతుందన్న అంచనాతోనే ప్రేమవ్యవహారాన్ని లీక్ చేశారని తెలుస్తోంది.

ఇక మరో అనుమానం కూడా ఉంది. అల్లు కుటుంబమే స్వయంగా ఈ మ్యాటర్ను లీక్ చేసినట్లు ప్రచారం జరుగుతోంది. అల్లు అర్జున్ పెద్దగా చదువుకోకపోవడం, స్నేహాకు సరిపడడేమోనన్న అనుమానంతో ఉన్న శేఖర్ రెడ్డిని ఎలాగైనే ఒప్పించే యత్నంలోనే భాగంగా ఈ మ్యాటర్ను మీడియాకు ఎక్కించినట్లు తెలుస్తోంది. మీడియాలో ప్రచారం అయిపోతే, పెళ్లి చేయక తప్పదని, దీన్ని అడ్డం పెట్టుకొని ఎక్కువ కట్నాన్ని గుంజొచ్చని అల్లు ప్లాన్ వేసినట్లు ఇన్ఫర్మేషన్.

ఈ పెళ్లి మ్యాటర్ పై అల్లు అరవిందే ఇంటర్వ్యూలు ఇవ్వడం తప్ప, స్నేహా ఫ్యామిలీ మాత్రం స్పందించడంలేదు. మొత్తంమీద చూస్తుంటే, సడన్ గా అల్లు అర్జున్ ప్రేమ వ్యవహారం బయటపడడం వెనుక ఎన్నో మలుపులున్నట్లు అర్థమవుతోంది.