అనంతపురం గల్లీకి కాదు.. అసెంబ్లీకే వస్తా..

వచ్చే అసెంబ్లీ ఎన్నికల్లో పోటీకి సిద్ధమని సినీనటుడు బాలకృష్ణ తెలిపారు. అసెంబ్లీకి వస్తానంటూ అనంతపురంలో ప్రకటించారు. క్రీసెంట్ క్రికెట్ టోర్నీలో పాల్గొనడానికి అనంతపురం వచ్చిన బాలయ్య.. త్వరలోనే అసెంబ్లీకి వస్తానన్నారు. త్వరలో తెలుగుదేశం పార్టీలో క్రియాశీల పాత్ర పోషిస్తానని చెప్పారు. అయితే, ఇప్పటివరకూ పోటీ ఎక్కడ చేయాలన్నదానిపై నిర్ణయం తీసుకులేదని, ఎన్నికల్లోగా తేల్చుకుంటానన్నారు. ముఖ్యమంత్రి పదవిపై ఆశలేదంటూ.. చంద్రబాబుకు ఇబ్బందిలేకుండా చేశారు. రాష్ట్ర రాజకీయాల్లో చిరంజీవి ప్లాప్ షో తర్వాత, బాలయ్య ఈ నిర్ణయం తీసుకోవడం టీడీపీ శ్రేణుల్లోనూ, నందమూరి అభిమానుల్లోనూ ఆలోచనను రేకిత్తిస్తోంది. హీరోలా వచ్చిన చిరంజీవి, చివరకు సైడ్ క్యారెక్టర్ అయిపోయినట్లు బాలయ్య కూడా అయిపోతారేమోనన్న భయం అభిమానుల్లో కనిపిస్తోంది. ఎందుకంటే, టీడీపీలో ఇప్పటికే ఎన్నో గ్రూపులున్నాయి. ఎన్టీఆర్ తనయుడిగా అందరూ ఆయన్ను ఆదరిస్తున్నారు. కానీ, క్రియాశీల రాజకీయాల్లోకి వచ్చిన తర్వాత కొన్ని గ్రూపులు వ్యతిరేకమైతే బాలయ్యకు ఇబ్బందులు తప్పకపోవచ్చు. పైగా, బాబు ఎక్కేసేవాళ్లను ఎదుర్కోవడమూ కష్టమే.