గ్రహాంతరవాసులున్నారా? వారు మన కోసం భూమిపైకి వస్తారా? ఇలాంటి ప్రశ్నలెప్పుడూ ఆసక్తి కలిగించేవే? లండన్‌ గగనవీధుల్లో కనిపించిన ఓ వింత వస్తువు ఇవే ప్రశ్నలను మరోసారి రేకెత్తించింది. ప్రభుత్వానికి చెందిన హెర్ట్‌ఫోర్డ్‌షైర్‌ భవనంపై ...కనిపించిన ఈ వస్తువు సంచలనం కల్గిస్తోంది. ఈ భవనాన్ని సందర్శించేందుకు వెళ్లిన క్రిస్ మిడిల్‌టన్ అనే వ్యక్తి అక్కడ కొన్ని ఫోటోలు తీశాడు. వాటిని ఇంటికొచ్చి చూడగా .. భవనంపై ఏదో ఎగురుతున్నట్టు కనిపించింది. జూమ్ చేసి చూస్తే అదేమీ విమానంలా లేదు. ఇది కచ్చితంగా ఫ్లైయింగ్ సాసర్ అయి ఉండవచ్చని క్రిస్ చెబుతున్నాడు. అయితే ఆ వస్తువు దూరంగా ఉన్న పక్షి, పారాగ్లైడర్ అయి ఉండొచ్చని లేదా... కెమెరా లెన్స్‌కు చిన్న ధూళి ఉన్నా అలాంటి ఫోటోలు వచ్చే అవకాశం ఉందని మరికొందరు చెబుతున్నారు.
కామెంట్ను పోస్ట్ చేయండి