రాంచరణ్ కు ఫస్ట్ కిక్

హైదరాబాద్ పోలో సీజన్‌లో రాంచరణ్ కు మెగా గిఫ్ట్ దొరికింది. తన ఇష్టసఖిని సంతోషపెట్టడం కోసం సొంతం చేసుకున్న హైదరాబాద్ పోలో టీం.. ఈ పోలో సీజన్ లో దుమ్ము రేపింది. ఫైనల్స్ లో 6-5 తేడాతో గెలిచి కప్ గెలుచుకుంది. రాంచరణ్ ను ఫుల్ ఖుషీ చేసింది. ఫైనల్ మ్యాచ్ కావడంతో తన కాబోయే శ్రీమతి ఉపాసనతో కలిసి సికింద్రాబాద్ పోలో గ్రౌండ్ కు వచ్చిన రాంచరణ్ సందడి చేశాడు. గుర్రంపైకి ఎక్కి మగధీర విన్యాసాలను ప్రదర్శించి ప్రేక్షకులను ఉర్రూతలూగించాడు. ఇలానే చేస్తే.. పోలో పైనా జనానికి క్రేజ్ పెరగడం ఖాయంగానే కనిపిస్తోంది. రాంచరణ్ పోలో టీం మరిన్ని కప్ లను సాధించాలని కోరుకుందాం.