అమెరికా వెళితే.. మీ గుట్టు రట్టే..

అమెరికా వెళ్లాలనుకుంటున్నారా..? ఇక ఎయిర్‌పోర్టులో దిగగానే మీ గుట్టు రట్టయినట్టే.. బండారం బయటపడ్డట్టే.. అదేంటి విమానమెక్కితే గుట్టెలా రట్టవుతుంది. బండారమెలా బయటపడుతుందనేగా మీ డౌట్‌.. అమెరికన్ ఎయిర్‌పోర్టుల్లోని పరికరాలు మీ శరీరభాగాలను మొత్తం చూసేలా చేస్తున్నాయి..
విమానంలో  ప్రయాణం ఎంత మజాయో ... అంతకుముందు జరిగే సెక్యూరిటీ చక్‌లు అంతటి చికాకు. లోపలికి వెళ్లగానే స్కానర్లు స్వాగతం పలుకుతాయి. లగేజ్‌ను అణువణువూ పరిశీలిస్తారు. డ్రెస్‌లో ఏదైనా ఉందోనని తడిమితడిమి చూస్తారు. ఇదంతా ఏ దేశంలోనైనా జరిగేదే. కానీ పెద్దన్న అమెరికా స్కానర్లు మాత్రం స్పెషల్. అవి కేవలం బాడీపైన మాత్రమే కాదు... లోపలికి కూడా తొంగి చూడగలవు.
 
బాడీ లోపలికి ఏంటి అని కన్ఫూజ్ అవుతున్నారా? కేవలం డ్రెస్‌లో ఎక్కడో దాచుకుని వెళ్లే పదార్థాలను మాత్రమే కాదు... మీ హెల్త్ హిస్టరీ మొత్తాన్ని సింపుల్‌గా స్కాన్ చేసి పడేస్తాయి. ఏ మహిళైనా బ్రెస్ట్ ఇంప్లాంట్ చేయించుకున్నా స్కానర్లు ఆ విషయాన్ని పసిగడతాయి. శరీరం లోపలన్న ఇంప్లాట్స్ వివరాలను బయటపెడతాయి. మగాళ్లలో ఎవరైనా ప్రోస్థెటిక్ టిస్టికల్స్ ఉంటే ఆ గుట్టూ బయటపడుతుంది. అంతేనా మహిళలు వాడే వివిధ రకాల ఇంట్రాయుటెరిన్ డివైజ్‌లు, పురుషుల పినైల్ ఇంప్లాంట్స్‌ కూడా పసిగడతాయట ఈ మాయదారి స్కానర్లు.
 
ప్రయాణీకుల నగ్న సౌందర్యాన్ని స్కానర్లు వడబోస్తున్నాయని ఇప్పటికే గగ్గోలు మొదలైంది. దీనికి తోడు బాడీలోపలి గుట్టును కూడా రట్టు చేస్తుందని తెలియటంతో ప్యాసెంజర్లు మండిపడుతున్నారు. ఫిర్యాదులు వెల్లువెత్తుతున్నా.. భద్రతారీత్యా బాడీ స్కానింగ్‌ తప్పదంటోంది అమెరికా సర్కార్‌.