1, డిసెంబర్ 2013, ఆదివారం
ఆస్పత్రిలో బెడ్ మీదే బెంగాలీని పట్టేశారట
Categories :
chakrapani . cinema . entertainment . tollywood . TOP
తెలుగు సినీ ప్రపంచంపై తిరుగులేని ముద్ర వేసిన మహానుభావుడు చక్రపాణి. ఆయన తీసిన ఎన్నో సినిమాలు ఇప్పటికీ ఎప్పటికీ అజరామరం అనడంలో ఏమాత్రం సందేహం లేదు. కృషి ఉంటే మనుషులు రుషులవుతారనడానికి ఆయన జీవితం ఓ ఉదాహరణ. నేర్చుకోవాలన్న తపన ఆయనలో నిరంతరం ఉండేదట. 1934లో ఆయనకు టీబీ కారణంగా ఓ ఊపిరితిత్తు తీసేయాల్సి వచ్చింది. ఆయనకు మదనపల్లిలోని ఆస్పత్రిలో శస్త్రచికిత్స చేశారు. ఆస్పత్రి, ఆపరేషన్ అంటేనే సగం ప్రాణం చచ్చిపోతుంది. ఆస్పత్రి బెడ్ పై నుంచి ఇంటికి వచ్చే దాకా ఏమీ చేయలేని పరిస్థితి. కానీ, ఈ సమయాన్ని కూడా ఎంతో చక్కగా ఉపయోగించుకున్నారు చక్రపాణి. తన పక్క బెడ్ లో ఉన్న బెంగాలీ బాబుతో పరిచయం ఏర్పరుచుకుని బెంగాలీని నేర్చుకున్నారట ఆయన. అంతేకాదు, ఆ పరిజ్ఞానంతో శరత్ నవలలను తెలుగులోకి అనువదించారు. శరత్ కు తెలుగుగడ్డపై విశేష ప్రాచుర్యం లభించడానికి ఓ రకంగా చక్రపాణే కారణం. ఆయన జీవితం నుంచి అందరం ఎంతో నేర్చుకోవాల్సిన అవసరం ఉంది. ఈ మధ్య ఆంధ్రజ్యోతిలో ఆయన జీవితం గురించి వచ్చిన చిన్న ఆర్టికల్ ఈ దిగువనే ఉంది. ఓ సారి చదవండి.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి