16, అక్టోబర్ 2013, బుధవారం
ప్రియాంకను పిలిస్తే.. పార్టీ పొమ్మంది
ఉత్తరప్రదేశ్ అలహాబాద్ లోని కాంగ్రెస్ కార్యకర్తల ఉత్సాహం వారి కొంప ముంచింది. ప్రియాంకను వచ్చే ఎన్నికల్లో పోటీ చేయమంటూ వేసిన ఓ ఫ్లెక్సీ ఏకంగా వారిని పార్టీనుంచి బహిష్కరణకు దారి తీసింది. 2014 ఎన్నికల్లో యూపీలోని పూల్పూర్ నియోజకవర్గం నుంచి ప్రియాంక పోటీ చేయాలంటూ అలహాబాద్ కాంగ్రెస్ కమిటీ ఇటీవలే తీర్మానం చేసింది. ఈ నియోజకవర్గానికి ఒకప్పుడు నెహ్రూ ప్రాతినిధ్యం వహించారు. దీంతో ఓ ఇద్దరు కార్యకర్తలు ప్రియాంక పోటీ చేయాలంటూ ఓ ఫ్లెక్సీని కట్టారు. అందులో సోనియా అనారోగ్యంతో ఉంది.. రాహుల్ మీద బాధ్యతల బరువు ఎక్కువైపోయింది. ఫూల్ పూర్ నియోజకవర్గంలో ప్రియాంకే పోటీ చేయాలి అంటూ రాసి.. వారి ముగ్గురి ఫోటోలతో పాటు, తమ ఫోటోలను కూడా వేసుకున్నారు ఆ ఇద్దరు కార్యకర్తలు. ఈ పోస్టర్ మీడియాకు ఎక్కడంతో ఆగ్రహం చెందిన ఉత్తరప్రదేశ్ కాంగ్రెస్ అధ్యక్షుడు నిర్మల్ ఖత్రి.. వారిద్దరినీ పార్టీ నుంచి సస్పెండ్ చేయాలంటూ అదేశించాడు. అవసరమైతే వారిపై కేసు కూడా పెట్టాలని పార్టీ నేతలకు సూచించాడు. సోనియా అనారోగ్యంపై ఎవరైనా ఫ్లెక్సీలు ప్రచురిస్తే, ఇదే పరిస్థితి ఎదురవుతుందని వార్నింగ్ ఇచ్చాడు. దీంతో ఏం చేయాలో తెలియకు తలపట్టుకున్నారు ఆ ఇద్దరు కాంగ్రెస్ నేతలు..
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి