6, సెప్టెంబర్ 2013, శుక్రవారం
ఏడు కోట్ల సవాల్
Categories :
Amitab . entertainment . kbc 7 . koun banega crorepati . sony . TOP
బస్తీమే సవాల్.. దమ్ముంటే ఏడు కోట్లు మీవే. అవును.. అత్యంత ప్రజాదారణ పొందిన కౌన్ బనేగా కోర్ పతి.. ఇప్పుడు ఏడు కోట్ల రూపాయల బహుమతితో ప్రేక్షకుల ముందుకు వచ్చింది. ఇవాళే ఏడో సీజన్ లో తొలి ఎపిసోడ్ ప్రసారం కాబోతోంది. దీనికి బిగ్ బీ అమితాబ్ బచ్చనే వ్యాఖ్యాతగా వ్యవహరిస్తున్నారు. ఒక్క మూడో సీజన్కు షారుక్ ఖాన్ వ్యాఖ్యాతగా వ్యవహరించారు. మిగిలిన అన్ని సీజన్లలోనూ అమితాబ్ వ్యాఖ్యాతగా వ్యవహరించారు. ఏడు కోట్లు గెలుచుకున్న విజేతను 'మహాకరోడ్పతి' అనబోతున్నారు. హాట్సీట్ చేరుకునే మార్గం కూడా ఈసారి మరింత కఠినతరమైంది. ఫాస్టెస్ట్ ఫింగర్ ఫస్ట్... లో ఇంతకు ముందు ఒక్క ప్రశ్నే ఉండేది. ఇప్పుడు మూడు చేశారు. మూడిటికీ సరైన సమాధానం చెప్పిన తొలి వ్యక్తికి కేబీసీ ఆడే అవకాశం దొరుకుతుంది. ప్రధానపోటీలో గతంలో 12 ప్రశ్నలుంటే ఇప్పుడు 15 ప్రశ్నలు అయ్యాయి. చివరి నాలుగు ప్రశ్నలను 'సప్తకోటి సందూక్' అంటున్నారు. ఈ ప్రశ్నల బహుమతి విలువ కోటి, 3 కోట్లు, 5 కోట్లు, 7 కోట్లు ఉంటుంది. అలాగే లైఫ్లైన్స్ కూడా ఇప్పుడు ఐదున్నాయి. ఫిల్మ్సిటీ బదులుగా ఈసారి షోని యష్రాజ్ ఫిల్మ్ స్టూడియోలో చిత్రీకరిస్తున్నారు.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి