8, ఏప్రిల్ 2013, సోమవారం
ఎన్టీ..వార్ : బాలకృష్ణపై హరికృష్ణ ఆగ్రహం
Categories :
balakrishna . family war . flex dispute . harikrishna . ntr . POLITICS . tdp . TOP
ఫ్లెక్సీల్లో జూనియర్ ఎన్టీఆర్, సీనియర్ ఎన్టీఆర్ లు కనిపించడంపై రేగుతున్న వివాదానికి మరింత ఆజ్యం పోశారు సీనియర్ ఎన్టీఆర్ తనయుడు, జూనియర్ ఎన్టీఆర్ తండ్రి హరికృష్ణ. ఎవరో అభిమాని పెట్టిన దానికి తన కొడుకును బాధ్యుడిని చేయడం ఎంత వరకూ సబబని ప్రశ్నించారాయన. పైగా, తీవ్ర పరిణామాలు ఎదుర్కోవాల్సి వస్తుందంటూ బాలయ్య హెచ్చరించడాన్ని తీవ్రంగా ఆక్షేపించారు. అలా మాట్లాడడం సబబు కాదని హితవు పలికారు. ఎన్టీఆర్ ను అనవసరంగా వివాదంలోకి లాగుతున్నారన్నారాయన. ఎవరో చేసిన తప్పులకు తన కుటుంబం ఇప్పటికే చాలా నష్టపోయిందని, తన కొడుకు జీవితాన్ని కూడా నాశనం చేయవద్దంటూ కోరారాయన. సీనియర్ ఎన్టీఆర్ దేవుడు లాంటివాడని, ఆయన ప్రజలందరి వాడని, ఎవరైనా పార్టీలకు అతీతంగా ఆయన ఫోటోను పెట్టుకోవచ్చన్నారు హరికృష్ణ. దీనిపై ప్రజల మధ్యకు వస్తే బహిరంగ చర్చకు తాను సిద్ధమన్నారు. దీంతో, ఇంతకాలం ఎన్టీఆర్, బాలయ్యల మధ్యే ఉందనుకున్న విబేధాలు కాస్తా, హరికృష్ణ, బాలయ్య మధ్యకు షిఫ్ట్ అయ్యాయి. ఈ రెండుకుటుంబాల మధ్య ఉన్న అంతర్గత కుమ్ములాటలను వీధికెక్కించాయి.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి