6, ఏప్రిల్ 2013, శనివారం
జూనియర్ నోరు విప్పాల్సిందే: బాలయ్య
Categories :
balakrishna . flex dispute . ntr . POLITICS . tdp . TOP
ఫ్లెక్సీల వివాదంపై జూనియర్ పెదవి విప్పాలని, వైఎస్సార్ సీపీ పార్టీ నేతలు తన ఫోటోను ఫ్లెక్సీల్లో వాడుకోవడాన్ని ఖండించాలని బాలయ్య ప్రకటించారు. ఖండించకపోతే మాత్రం పరిణామాలు వేరేలా ఉంటాయన్నారాయన. జూనియర్ ఏ పార్టీలో ఉన్నాడన్న విషయాన్ని కూడా ఆయనే చెప్పాలన్నారు. ఈ విషయంలో ఎన్టీఆర్ తో తాను మాట్లాడతానన్నారు. కృష్ణాజిల్లా కొమరవోలులో పర్యటించిన ఆయన మీడియాతో మాట్లాడుతూ ఈ వ్యాఖ్యలు చేశారు. జూనియర్ ఎన్టీఆర్ బెజవాడ పర్యటన సందర్భంగా, టీడీపీ నేతలను ఆ పర్యటనకు దూరంగా ఉండాలని తాను ఆదేశించలేదన్నారు. వ్యక్తిగత పర్యటన అని జూనియరే చెప్పాడని గుర్తుచేశారు. అర్హత, వయస్సుతో సంబంధం లేకుండా, పార్టీకోసం ప్రజల కోసం కష్టపడే వారందరినీ పార్టీ గౌరవిస్తుందన్నారు. ఎన్టీఆర్ సినిమాలతో బిజిగా ఉన్నారంటూ, ఎన్టీఆర్ పార్టీకోసం పనిచేయడం లేదంటూ పరోక్షంగా ప్రస్తావించారు బాలయ్య. సీనియర్ ఎన్టీఆర్ ఫోటోను వైఎస్సార్ సీపీ తమ ఫ్లెక్సీల్లో వాడుకోవడానికి వీల్లేదన్నారాయన. దీనిపై అవసరమైతే కోర్టుకూ వెళతామన్నారు.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి