18, ఫిబ్రవరి 2013, సోమవారం
ఆయనంటే ఆమెకు ఎందుకంత మంట?
Categories :
congress . helicopter scam . pv narasimharao . sonia . sonia angry . TOP
పీవీ నర్సింహారావు.. భారతదేశ తొలి తెలుగు ప్రధాని. అంతేకాదు.. ఆర్థిక సంక్షోభం నుంచి దేశాన్ని గట్టెక్కించిన పరిపాలనా దక్షుడు. అత్యంత కష్టకాలంలో ఐదేళ్లపాటు కాంగ్రెస్ పార్టీని అధికారంలో నిలబెట్టిన అపర చాణక్యుడు. అయినా.. కాంగ్రెస్ అధినేత్రి సోనియాకు ఆయనంటే పట్టరాని కోపం. .. మన పీవీ అంటే ఆమెకు ఎందుకంత ఆగ్రహం....? తాజాగా బయటపడ్డ హెలికాప్టర్ స్కామ్లో దీనికి సంబంధించి ఓ లింకు దొరికింది.
ఢిల్లీలోనే కాదు.. కాంగ్రెస్ పార్టీలోనూ పీవీ నరసింహారావు ఆనవాళ్లు పెద్దగా కనిపించవు. అభివృద్ధి విషయంలో ఎంత చెప్పుకున్నా.. పీవీ పేరు లేకుండానే కాంగ్రెస్ నేతల ప్రసంగాలు కొనసాగుతాయి. నెలరోజుల కూడా పనిచేయని ప్రధానులకు ఢిల్లీలో సమాధులు, పార్కులు కట్టించిన కాంగ్రెస్ ప్రభుత్వం.. సొంత పార్టీ నేత, ఐదేళ్లు దేశాన్ని పాలించిన పీవీకి మాత్రం చిన్న స్థలం కూడా ఇవ్వడానికి ఒప్పుకోలేదు. సోనియాకు ఆయనపై ఉన్న ఆగ్రహమే దీనికి కారణమని అందరికీ తెలిసిందే.. అయితే.. పీవీపై సోనియాకు ఎందుకంత మంట అన్నది మాత్రం ఇప్పుడిప్పుడే బయటపడుతోంది.
పీవీ ప్రధానిగా పనిచేస్తున్న సమయంలో కాంగ్రెస్లో కొంతమంది సోనియాను రాజకీయాల్లోకి తీసుకురావడానికి ప్రయత్నించారు. పార్టీలో క్రమంగా ఆమె పవర్ సెంటర్గా మారడాన్ని గమనించిన పీవీ.. ఆమెపై నిఘా పెట్టారు. ఇదే సమయంలో సోనియా బ్రిటన్ పర్యటనకు వెళ్లారు. సోనియా రాజకీయ మద్దతు కూడగట్టుకోవడానికే వెళ్లి ఉండొచ్చని అనుమానించిన పీవీ.. ఆమె కదలికలపై నిఘా వర్గాలతో ఎప్పటికప్పుడు సమాచారం తెప్పించుకున్నారు. ఆమె ఎవరెవరిని, ఎక్కడెక్కడ కలుసుకున్నారన్న సమాచారం అంతా పీవీ సేకరించారు..
ఈ విషయం అంతా, దేశంలో ప్రకంపనలు పుట్టిస్తున్న హెలికాప్టర్ స్కామ్ వివరాలను తవ్వుతుంటే బయటపడింది. ఈ డీల్లో మధ్యవర్తిత్వం వహించిన
క్రిస్టియన్ మైఖేల్ తండ్రి వుల్ఫ్ గ్యాంగ్ సోనియాపై సమాచారాన్ని సేకరించడంలో నిఘా వర్గాలకు సహాయం చేశాడు. వోల్టర్స్ అని రా అధికారులు ముద్దుగా పిలుచుకునే వుల్ఫ్ గ్యాంగ్ బ్రిటన్లో ఆయుధాల వ్యాపారం చేసేవాడు. మన నిఘా అధికారులకు కీలక వివరాలను ఎప్పటికప్పుడు అందించేవాడు. ముఖ్యంగా పాకిస్తాన్ ఆయుధ ఒప్పందాలపై రహస్య సమాచారాన్ని వోల్ఫ్ గ్యాంగ్ ద్వారానే పొందారు మన రా అధికారులు. ఇక వోల్ఫ్ గ్యాంగ్ ఢిల్లీకి వచ్చినప్పుడు కాంగ్రెస్ కీలక నేతలను స్వేచ్ఛగా కలిసేవాడు. పీవీ హయాంలో సోనియాపై నిఘా పెట్టినప్పుడు.. బ్రిటన్లో ఆమె ఏంచేసిందన్న వివరాలు అందించడంలోనూ వోల్ఫ్గ్యాంగ్ సమాచారం అందించాడు.
ఈ విషయం సోనియాకు తెలిసింది. తన కదలికలపైనే ఆరాతీయడాన్ని తీవ్ర అవమానంగా భావించిన ఆమె.. అప్పటినుంచి పీవీపై ఆగ్రహం పెంచుకున్నారని తెలుస్తోంది.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి