11, డిసెంబర్ 2012, మంగళవారం
జైల్లో గాయపడ్డ జగన్
చంచల్గూడ జైలు లో ఉన్న వైయస్ జగన్మోహన్ రెడ్డి గాయపడ్డారు. వారం రోజులుగా గాయం వేధిస్తున్నా తేలిగ్గా తీసుకోవడంతో.. ఆయన నడవలేని స్థితికి చేరుకున్నారు. షటిల్ ఆడుతున్న సమయంలో కిందపడడంతో ఈ గాయం తగిలినట్లు తెలుస్తోంది.
ఆస్తుల కేసులో అరెస్టైన జగన్ ఆరు నెలలకు పైగా జైలు జీవితం గడుపుతున్నారు. ప్రతి రోజు కాలక్షేపం చేయడానికి ఏదో ఓ గేమ్ ఆడుతుంటారు. జగన్ ఎంతో ఇష్టంగా ఆడే గేమ్ షటిల్..ప్రతి రోజు సాయంత్రం సమయంలో గంటపాటు షటిల్ అడుతారాయన. అదే అలవాటుతో జైల్లో కూడా షటిల్ ఆడుతుండగా కాలు జారడంతో అతని బొటన వేలు కు ఫ్రాక్చర్ అయింది.
చిన్నదే కదా అనుకోని తేలిగ్గా తీసుకున్న జగన్ కు..నొప్పి తీవ్రం కావడంతో నడవలేని పరిస్థితికి చేరుకున్నారు. రెండు రోజుల్లో కాలువాపు ఎక్కువైంది. దీంతో వైద్యం కోసం ఉస్మానియా అసుపత్రికి తరలించాలనుకున్నారు జైలు అధికారులు. అయితే సెక్యూరిటీ ఇబ్బందులు ఉండడంతో .. డాక్టర్లనే జైలుకు తీసుకువెళ్లి చికిత్స చేయిస్తున్నారు. ప్రైవేటుగా ఉన్న ఓ ల్యాబ్ టెక్నిషీయన్ ను జైలులోకి తీసుకువచ్చి..లోపల ఎక్సరే తీయించారు.. చిన్న ఫ్యాక్చర్ అయినట్లు అందులో తేలింది. దీంతో వారంరోజులపాటు విశ్రాంతి తీసుకోవాలని ..ఎక్కువగా నడవకూడదని వైద్యులు చెబుతున్నారు. ప్రస్తుతం జగన్ కాలి గాయం ఇప్పుడిప్పుడే తగ్గుతోందని చెబుతున్నారు వైద్యులు.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి