2, సెప్టెంబర్ 2011, శుక్రవారం
చైనా ఎక్కువగా దిగుమతి చేసుకునేదేమిటో తెలుసా..?
Categories :
bride . china . entertainment . TOP
ఫోన్ మేడ్ ఇన్ చైనా..
వాచ్ మేడ్ ఇన్ చైనా..
కంప్యూటర్ మేడ్ ఇన్ చైనా...
ప్రపంచంలోని సగం వస్తువులు మేడ్ ఇన్ చైనా...
ఆల్ మేడ్ ఇన్ చైనా...
ఇన్నింటిని తయారు చేస్తున్న చైనా... ఒక్క విషయంలో మాత్రం నానా అగచాట్లు పడుతోంది. అదే కమ్యూనిస్ట్ చైనాను కలవరానికి గురిచేస్తోంది. ఇంతకీ చైనీయుల కంటిమీద కునుకు లేకుండా చేస్తున్న.... ఆ పెను సమస్యేమిటో తెలుసా.. పెళ్లి కూతుర్ల కరువు. అందుకే, విదేశాల నుంచి అమ్మాయిలను దిగుమతి చేసుకొంటోంది.
చైనాలో స్త్రీ, పురుష నిష్పత్తిలో వ్యత్యాసం రానురాను భారీగా పెరుగుతోంది. దీంతో చైనా పెళ్లికొడుకులు వియత్నాం, లావోస్, నార్త్ కొరియా.. తదితర దేశాల నుంచి పెళ్లి కూతుర్లను దిగుమతి చేసుకుంటున్నారు. ఇలా యేటా ఝాజింగ్ ప్రావిన్స్లోనే 36 వేల మంది అమ్మాయిలను ఇతర దేశాల నుంచి తీసుకువస్తున్నారు. మరో ట్విస్టేంటంటే ఇక్కడ పుట్టిపెరిగిన కొద్దిమంది అమ్మాయిలేమో కాస్త రిచ్గా ఉన్న వెల్సెటిల్డ్ అబ్బాయిల కోసం పక్క రాష్ట్రాలకు వెళ్తున్నారు. ఇక చెప్పేదేముంది... చైనాలో పెళ్లికాని చింగ్ చాంగ్ చుంగ్లు ఎక్కువైపోయారు. తాజా జనాభా లెక్కల ప్రకారం 19 ఏళ్లలోపు వయసున్న వారిలో అమ్మాయిలకంటే 2 కోట్ల 30 లక్షల మంది అబ్బాయిలు ఎక్కువగా ఉన్నారు. చైనా అకాడమీ ఆఫ్ సోషల్ సైన్స్ రీసెర్చ్ ఈ విషయాన్ని ధృవీకరించింది. దీనికంతటికీ కారణం ఆడపిల్లలను పురిట్లోనే హతమార్చడం... మనదేశంలోలాగానే ఇక్కడా... పుట్టబోయేదీ ఆడా మగా అనే టెస్ట్లు నిషిద్దం... కానీ టైప్ -B అల్ర్ట్రాసోనిక్ టెస్ట్ వల్ల పుట్టబోయేది ఎవరో తెలిసిపోతోంది. దీనితోనే అక్కడ అమ్మాయిలకు కరువొచ్చింది. రెండు దశాబ్దాలుగా ఈ వ్యత్యాసం మరీ పెరుగుతూ వస్తోంది. ప్రస్తుతం ఈ తేడా 13 శాతం ఉంది.
చైనా చిన్నోళ్లను మరో సమస్య నిద్రకూడా పోనివ్వటం లేదు... ఎన్నో రూపాయలు ఖర్చుచేసి పక్క దేశాల నుంచి కొనుగోలుచేసి మరీ పెళ్లాడిన అమ్మాయిలు చెప్పా పెట్టకుండా తుర్రుమంటున్నారు. మరీ వియత్నాం యువతులైతే అంగడి సరుకుగా మారి మరొకరికి అమ్ముడు పోతున్నారు.. సొమ్మూ పోయి.. భార్యాపోయి... రెంటీకి చెడ్డ రేవడిలా మారిన ఇలాంటి వారిపై జాలితో బీజింగ్లోని ఓ మ్యారేజ్ బ్యూరో బంపర్ ఆఫర్ ప్రకటించింది. పక్కదేశాల నుంచి తీసుకువచ్చి పెళ్లి చేసుకున్న అమ్మాయి మిస్సైతే... వియత్నాం వర్జిన్ ఉమెన్ ఫ్రీ అని ప్రకటించిందో బ్యూరో. 32 వేల డాలర్లు చెల్లించి వారు కుదిర్చిన సంబంధానికి ఓకే అంటే... ఏడాది వరకు రీప్లేస్మెంట్ గ్యారంటీ ఇస్తున్నారు.. అంటే సంవత్సరంలోగా భార్య మాయమైతే మరో కన్యను ఇచ్చి ఫ్రీగా పెళ్లి జరిపిస్తారన్నమాట. అయితే ఈ ఆఫర్ పెళ్లైన ఏడాదిలోపు మాత్రమే వర్తిస్తుందట. ఒక్కరోజు దాటినా.. మళ్లీ కొనుక్కోవాల్సిందే.
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్ను పోస్ట్ చేయండి